Višnje

Izvor: Wikizvor
Prijeđi na navigaciju Prijeđi na pretraživanje

Kopači Višnje
autor: Fran Galović
Lastavice




Višnje cvetò kak mleko,
Beli se oblak niše,
Sonce i zemla diše,
Došel sem, došel nazaj!

Dogo granjè je leko,
Žilica saka cvete,
Vesel sem kakti dete,
Nekaj bi štel, ali kaj? -

Belo je nebo meko,
Se je vu jednem cvetu,
Oblaki nekam ido;
Štel bi ja daleko
Š njimi po zlatnem svetu,
Štel bi, al prešlo je to!

Višnje kak mleko cveto,
Nebo je belo i meko,
Po njem daleko, daleko,
Oblaki nekam ido!