Kopači

Izvor: Wikizvor
Prijeđi na navigaciju Prijeđi na pretraživanje

V trsju Kopači
autor: Fran Galović
Višnje




Zrana so došli, ja sem još spal,
Crleni i zdeni, zmržnjeni si,
Žganico sem brže s poličem dal,
A jognja od snočka je bilo v peći.

Na bregu je veter rezal kak nož,
Ne nikoga čuti, samo čkome;
Do froštuka dvapot zišli so vdož,
I kaša se puši na stolu z zdele.

Al došlo je sonce; z žutom kantom
Donašal sem vino, puščal se v beg; -
Preleva se sȅ, samo pesma s pesmom
Tijam na tretji otišla je breg.

Pijani smo se pelali domo
I nekak do prve došli grabe,
Prehitili smo se, ne zabim to:
Nevesta me kušnola tripot v jame.