Pod orehom

Izvor: Wikizvor
Prijeđi na navigaciju Prijeđi na pretraživanje

Leto Pod orehom
autor: Fran Galović
Lepa Kata




Sonce je hitilo tenje
     Čez granjè po rosè i sakod po trave,
     I letè na meglè, zelene i plave,
Ranješnje, splašene senje.

Žito kak morje se niše,
     Kraj staze i međè se brazde so žive
     Bežè i šumè i bele i sive, -
Se ji je saki čas više.

Deklin breg digel je glavo
     Čez granjè v meglè i tam je i neje,
     A sonce hiče i seje
Tenje i ranje plavo!