Plavo nebo

Izvor: Wikizvor
Prijeđi na navigaciju Prijeđi na pretraživanje

Lastavice Plavo nebo
autor: Fran Galović
Mesečina




Na prislonjo pred podrum smo seli,
     Kraj nas je pijar pon,
Škrilake smo na travo si deli -
     Zvoni čez breg zvon.

Mi molimo na polne tu Boga,
     A z breskvi cvet curi,
Leti kraj granja pozlačenoga,
     Na vetru se beli.

Čkomimo... i tak lepo i leko
     I nebo je i sȅ...
I mislimo na nekaj daleko,
     A zvoni zvone...