Mesečina (Z mojih bregov)

Izvor: Wikizvor
Prijeđi na navigaciju Prijeđi na pretraživanje

Plavo nebo Mesečina
autor: Fran Galović
Stari grad




Zažaren je zišel, krvav i crlen,
     I visi nad golom šumom,
A oblak prožil po nebu zelen,
     Se niže se spušča k bregom.

Odnekud na vetru doletel je glas
     I otišel nekam čez noč...
Mi ne znamo... on je to čakal na nas
     I rekel je zbogom plačoč...

Vele, dok je mesec krvav i crlen,
     Da smrt se sprehađa s kosom...
Gle, kak nas gledi čez te oblak zelen
     I visi nad golom šumom - - -