V suncu (Dva kipca)

Izvor: Wikizvor
Jump to navigation Jump to search
V suncu
autor: Dragutin Domjanić




Zdalka se popevka čuje,
kaj se k nebu diže,
glavobolka nisko raste,
da je zemlji bliže.
V macicah se leska njiše
S tihim vetrom z brega,
visibaba vre se bela
kaže ispod snega.
Moje srce pak bi štelo
vse ti cvete zbrati,
zlato sunce toga dana
vu popevku dati.
Da bu v duši tvojoj radost,
da bu jasno oko,
kak je ono vedro nebo,
plavo i gliboko.