Nečega se navek bojim,
Al' čega, neznam, nemrem zgoniti;
V mraku samo čakam i stojim,
I to je tak i drugač ne m're biti.
Znam, da jenpot nešče dojde sim,
Al' što i kda, to nije moči reči,
Ja ga čakam, čakam i gledim:
Pove mi morti, kaj se ne sme zreči.
Njega nega, nit' je živel kda,
Al' mesec tenjo more mu prijeti, -
Vse on pote, vse on staze zna, -
I on bi mojo pamet mogel zeti.
Pozdravljenje samo dok zvoni,
Za njegve črne onda zabim trage,
V tišine vsaki list čkomi,
I čujem reči blažene i drage.
Ta molitva zabljeni zvonov
Starinska to je duša, solza mraka,
Pesma zvezdi, senja ti bregov
Njo razme ovde cvet i trava vsaka.
Ta molitva je nebeski dar;
I zvoni dal'ko, dok zvone srebreni,
Vidim: angel spušča se čuvar,
I moji poti neso više crni.
