Obid u petradi

Izvor: Wikizvor
Prijeđi na navigaciju Prijeđi na pretraživanje
Obid u petradi
autor: Zlatan Jakšić




Sidi se na dvi stine,
u glavi šušuraju mine,
a u rukan remine.

I jida se na dicu
da su zaboravili donit zlicu

i da ne znaju kazat novitadi
a judi su radi
da dica budu telefon u petradi.

I neka mi se drugi put parićadu
bez tabaka doć ocu u petradu!

I puten da se misli na perune i zdile,
a ne igrat puten na karga-barile.

I neka se doma sve lipo pozdravi,
a mater svakako da ono ne zaboravi.