Mučeća ljubav

Izvor: Wikizvor
Prijeđi na navigaciju Prijeđi na pretraživanje
Mučeća ljubav
autor: Fran Krsto Frankapan




U mučanju tvrdnom je zaljubljen živil
   milost, najam, dragost prositi želeći
   od vile predrage, vim se ni podstupil,
   neg z vustmi je mučal srcem govoreći.
Z gustim zdihavanjem plamen svoj skažival
   čudeć, razmišlajuć u njem izgoriti,
   prem ne prosil milost, milost je ufival,
   z mučećim jezikom htil to izprositi.
Štimal je nevoljnik z mučanjem bit srićan,
   al gorući plamen nastal objačati,
   da ni mogal dalje prebolit nesrićan,
   neg kot verna Phenix moral izažgati.
Tako služeć, mučeć, oh, brez smilovanja,
   u ljubavi stalan volil pretrpiti;
   zamiru je štimal pomoć zazivanja,
   ne hteć reći: vmiram, moral je umriti.