Molitvica v protuletje

Izvor: Wikizvor
Prijeđi na navigaciju Prijeđi na pretraživanje
Molitvica v protuletje
autor: Dragutin Domjanić




Rasipal si vsikud veselje vu svet,
zarubljeni s cvetjem su puti,
nit grobje ni tužno, kak pucicah smeh
razlejal tam jaglac se žuti.
Čez suhu listinu vu lugu je vsem
od šafrana zdigel se kelih,
kak da bi za sunce ti faliti štel
v molitvicah plavih i belih.
I oblaki žarki il beli kak sneg,
vsi puni kak lice deteta,
na nebu su. Ti i na travnik si svoj
rasipal sam cvet si do cveta.
Pa zakaj Ti samomu meni ne daš,
kaj dal si tak vnogom i vnogom?
Veselja, Ti, koji veselje si vse,
veselja i srcu mi bogom.