Megle

Izvor: Wikizvor
Prijeđi na navigaciju Prijeđi na pretraživanje
Megle
autor: Dragutin Domjanić




Breze su vre čisto žute,
Jele su tak črne,
Divja loza ih krvava
Hoće da zagrne.
Vlečeju se z klanjcov megle,
Z njimi ide zima,
Žalost, koja ni za zreći,
Srca mi se prima.
I gubi se breg za bregom,
Zginule su jele
I zaslepile mi oči
Ruke mrzle, bele.
Vse odhaja nekam dalko,
Zašli su i puti,
Reč potužit bi se štela,
Al nit glas ni čuti.
A te misli, hitre misli
Težke su i trudne,
Kak da se bojiju noći
Ove sive, čudne.
- I kak da je zginul, zaspal
Svet i vse živlenje -
- Da i ja tak morem zaspat
Ja i moje senje!