Mamica su štrukle pekli

Izvor: Wikizvor
Prijeđi na navigaciju Prijeđi na pretraživanje
Mamica su štrukle pekli
autor: Kajkavske popevke




Mamica su štrukle pekli,
meni nisu nikaj rekli.
Mamica su štrukle pekli,
meni nisu nikaj rekli.

Štrukli su se prigoreli,
mamica su plakat šteli.
Školnik ide kak po drotu,
štiri snehe su na špotu.

Prva mu donese sira,
druga ju s pogačom tira,
tretja mu donese buttra,
štrta veli ja bum zutra.

Naj te snehek mej hoditi,
muži su vam fest srditi.
Naj se gospon ne bojiju,
naši muži trdo spiju!