Kad se nasmeješ

Izvor: Wikizvor
Prijeđi na navigaciju Prijeđi na pretraživanje
Kad se nasmeješ
autor: Dragutin Domjanić




Rosne se rože budiju,
v tihoj toj noći su spale.
Kad se nasmeješ, su v licu
sladke ti jamice male.
Nebo je v jutro tak jasno,
prešle su sence iz noći.
Kad se od srca nasmeješ,
tak su ti vesele oči.
Sunce vsi imaju radi,
tiči mu tak žvrgoliju.
Kad se ti meni nasmeješ,
v srcu popevke zvoniju.