Grozdje zreli

Izvor: Wikizvor
Prijeđi na navigaciju Prijeđi na pretraživanje
Grozdje zreli
autor: Dragutin Domjanić




Ščurice je čut
I list se vre žut
Zavija na vejah i pada,
A sunce gori,
Da grozdje zreli,
Da jagoda puknut bi rada.
I skoro ves kraj
Zadišal bu taj,
Popevkah razlejal se val.
Zazvonel bu smeh
I čisto bu greh,
Gdo ne bu navžiti se znal.
Dok svet bu taj cel
Veselit se smel,
Žalostno bu samomu meni
A meni bu žal,
Da drugi je bral
Moj grozdek, moj sladki, črleni.