Bura po levantu

Izvor: Wikizvor
Prijeđi na navigaciju Prijeđi na pretraživanje
Bura po levantu
autor: Zlatan Jakšić




Ko je diga jidro i katarku
prigori bi iljadarku
da se ni ukrca u barku
(to ti je ka Evanđelje po Marku
kojo se čita u nediju).

Slidi turizam po Matiju,
pa izmolmo pet Očenaših
za one ča su se došli
kupat u Opatiju.

Slidu dva refula priko Vruje.
Kapetane, dajmo se malo nuje!

Gospoda u gvante,
težaci u debje mudante,
vitar u grego levante,

ili ti ga bura po levantu…

a konji i kraji po fantu,

briškula po kargu,
šezdeset i jedan po vragu…

i žena mužu po tragu.

Obula je postole namisto papuče,
pa komu ča u repu puče.