Buganci

Izvor: Wikizvor
Prijeđi na navigaciju Prijeđi na pretraživanje
Buganci
autor: Zlatan Jakšić




Pun postol baćićih. . .
i počimje život svetega Juština
mučenika i ispovidnika
koji Isukrsta ni zanika,jer ni jema buganac.

Sveti moj Jušte,
kad se uvečer užgu buganci i sukanci,
lancuni i šušte,
jes' prova take gušte?

Ti, ako si i umri,
umri si za svoga Isusa Krista,
a nemiga ušpali jednega
nevojnega prsta.

I dokle si živi,
živi si za svoju viru,
a nemiga da ti postolari,
uzimju miru.

I pokle su te ubili,
pokopali su te kako se jema,
a nisu sa šćapima
jemali problema.