Bezeg se beli

Izvor: Wikizvor
Bezeg se beli
autor: Dragutin Domjanić




Bezeg se beli iz kmice,
kak je belo tvoje lice.
Bezeg stiha mi diši,
kak si sladka ti.
Gaj je tih i on posluša,
si i ti još budna duša?
Čeka si slavička gaj,
zmisliš me se kaj?
Ni slavička sad već čuti,
zginuli su kam i puti,
al moj tič ni prešel proć
v onu črnu noć.
Z bezga on popeva z kmice,
kak je belo tvoje lice,
z bezga, sladko kaj diši,
kak si sladka ti.