Na ceste
visoka svetla
na paleh svete, koliko je samo
siromašnih judi
na ten svete.
Bogati zamislite se
i dobrostojeći,
veselite se
nečigovoj sreće.
Sreća ku ćute
siromahi
i bez kuće judi,
je tepla posteja
i nešt dobro pojisti
regakajte njin to
pa ćete i vi srećni bit.
Hvala dragom Bogu
i seb ki pomoru
va sačeren
od sebe ča moru.
Da iman više
od onege koliko iman
dala bih čuda od sega
si ti judi jako štiman
aš san nekad bila
i ja del tega.
Veramente
nismo lažni bili
i imeli smo kade bivat,
ma nas je neimašćina
stalno kompanjala
za ku san kot otrok
čuda vremena znala.
Zbudite se judi
ki imate više
leh ča van rabi,
mislite na oneh
ki niš nimaju
delajte dobro
da se njih me pozabi.
