Gumbelica

Izvor: Wikizvor
Gumbelica
autor: Dragutin Domjanić




Sladko šumiju si čelice,
cveteju v vrtu gumbelice,
kaj one najlepše ni?
Duša, a gde si mi ti?
Vrt su ti s plotom zagradili,
k plotu kostanje zasadili,
suseda, kaj se bojiš?
Ne bum odnesel ti niš!
Imaš prstenja ti zlatoga,
imaš i muža bogatoga,
samo, znaš, jedno je kvar:
to da je muž tvoj vre star.
Dobro on tebe zna čuvati,
ali te ne zna kušuvati,
Znaš, kaj šumi si to čelica?
Sunčeca treba gumbelica!