Jednoga su zvali Veli Jere,
i nosi je ocu parangal i pajere;
drugi je bi Veli Miće
i nosi je barbi na posaj jiće;
i treći Mali Stipe, Stipica, Stipanac
- ni pirka ni kanjac.
A niti je Veli Jere
dosima glavon telere,
niti je Veli Miće
bi nadzemaljsko biće;
samo su parili veli,
samo su parili robusni,
jerbo je Stipe bi mali,
jerbo je Stipe bi tusni.
A zato je Stipe bi mali,
zato je Stipe osta tusni,
jerbo su njih dvojica
bili sladokusni.
