Tiho prihaja mrak...

Izvor: Wikizvor
Tiho prihaja mrak...
autor: Dragutin Domjanić


Tiho prihaja mrak,
Plah je njegov korak,
Ni ga čuti.
O. Župančić



Tiho prihaja mrak,
Rože dišiju mi tak,
Gineju z ljubavi same.
Dojdi mi, dojdi mi sad,
Tak bi ti gladiti rad
Guste, dišeće prame.
Vsigde po poljih je mir,
Dojdi, ja čekam te zmir,
Dane, kaj puni su tuge.
Dojdi, da ja ti povem,
Kaj samo senjati smem
V noći bez kraja duge.
Dojdi, ves svet bu sad spal,
Nigdo za nas ne bu znal,
Nigdo nam tajnu ne sluti.
Tiho prihaja mrak,
Plah je njegov korak,
Ni ga čuti.