Pesma z drugoga brega

Izvor: Wikizvor
Skoči na: orijentacija, traži

Kostanj Pesma z drugoga brega
autor: Fran Galović
Pred večer




Tam dole samo šume se plavè,
Čez vedro nebo vrana preletava,
Vu toplem vetru dremle zrela trava,
Pesmè žalosne reči sim letè:

"Zakaj si me pustil, samo me ostavil.
Otišel si nekam, nesi mi ni javil!
I ja ne znam kam bi od žalosti svoje.
Zakaj si me pustil, drago srdce moje?
Svilo sem si slekla, vrata sem zaprla,
Sama sem i znam, da bodem skoro vmrla!"

Na drugi breg mi joči tam glede,
A veter z mlekem listjem poigrava,
Šumi i šapče; spi kraj pota trava,
I samo šume v soncu se plave.