Mrak

Izvor: Wikizvor
Prijeđi na navigaciju Prijeđi na pretraživanje
Mrak
autor: Dragutin Domjanić




Bele su breze tak blede,
Trusi po strni se mak,
Plave planine zastira
S črnimi kreljutmi mrak.
Steza se skriva pod preprut,
Grmje se stisnulo v kraj,
Kakti da čekaju nekaj
Doli, daljine i gaj.
Breze poslušaju blede,
Veter zatajil je dah,
Tajno kak rosa prek trave
Prešel je trepet i strah.
Tič je bez glasa preletel
K noći za breze tam prek. -
- Bog moj, kad zaspat' bum moral,
Bum li ja spal za navek?...