Medjimurska

Izvor: Wikizvor
Prijeđi na navigaciju Prijeđi na pretraživanje
Medjimurska
autor: Dragutin Domjanić




Kakti srebro hajda cvete,
K njoj se pašči drago dete,
Hajda jošće zrela ni
Da bi mogla žeti ti!
Čez hajdinu steza vodi,
Po njoj duša moja hodi,
Kaj ti dobro puta znaš,
Da ne zajdeš v glib i šaš?
Vre i zvezda se zažiže,
Dal'ko je do tvoje hiže,
Komaj joj se vidi dim,
Hodi, pucek, rajše sim.
Sim ne vidiju te mama,
Kam buš tak si išla sama,
Dojdi, dugo čekam ja,
Lepše ti je, kde su dva.
Mali, beli su oblaki,
Išče si pajdaša vsaki,
Jen se bu razišel mam -
Vidiš, to je, kad je sam.
Strašno je gizdava duša,
Neće da me nit' posluša,
Znam, kaj znamenuje to:
Drukde čeka drugi kdo!
Ali kad bu hajda zrela,
Kad buš pak se verit štela,
Bum škrljak na vuho del,
Nebum te nit' poznat štel!