Djurdjevke

Izvor: Wikizvor
Jump to navigation Jump to search
Djurdjevke
autor: Dragutin Domjanić




Beli se cveti odpiraju,
Sami se v pušlece zbiraju.
Štel bi ih v njadra ti deti,
Ali to znam, da ni smeti.
Il' ti na oblok poslagati,
Da bi ih mogla podragati.
Oni tak sladko dišiju,
Lepoga puno veliju.
Vse, kaj bi v oku mi čitala,
Če bi me s pogledom pitala,
Vse, kaj se tebi dopada,
Če me još imaš kaj rada.