Svuda unaokolo voda vela,
a nas dopade jedva minela:
u jematvi dvi kapi
za virnost sveten ocu Papi;
kad i kad po litra,
ča udili biskupova mitra;
i naprstak u štajuni
kad kurat moli rogacjuni;
uz to dvi bobice
u slavu don Slavota gobice
i ako čagod ispuzne
na zagovor pokojnega don Kuzme;
a ča izmoli kapelan
popi bi po marendi Zelan.
Šjor kurate,prokurajte!
- Eto van pa se ranđajte!
Priskočili ste kanonike,
pa sada balajte bez armonike!
