Lisica prevarila muža

Izvor: Wikizvor
Skoči na: orijentacija, traži
Lisica prevarila muža
autor: nepoznat


Tak je jenput štela lisica preko plota prejti, pak je bilo vuzko prelo med plotom, pak je veznula, da ni mogla naprej ni nazaj. Vezda kaj će lisica početi? Počne kričati, plakati, kajti se je bojala, da ju ne bi gdo onde našel, pak bi ju zatukel. Tak žalostna vupazi iz dalka, da onim istim putem ide jen muž. Te ona v strahu mislila, kak bi se ote muke mogla osloboditi i kak bi muža vkaniti mogla da ju te muke mogla oslobodi i kakvu plaću mu obeča za njegovo delo. Gda je muž blizu došel, zaprosila ga je lisica, da ju ote muke oslobodi, da mu bu za delo škudu dala, kajti se je bojala, da ne bi gdo spametneši došel pak bi ju prijel. Na to muž da se vkaniti i oslobodi lisicu. I da ju je oslobodil, pušća ju z ruk i pital ju je: da je škuda? Ona mu veli:

- Si ju imel vu ruki; zakaj si ju nisi zel? Za moju kožu bi bil dobil škudu.

I ja sam kcoj došel i sem mu je pomogle osloboditi, pa nisem takaj niš dobil.